![](data:image/svg+xml;charset=utf-8,<svg height="392px" width="696px" xmlns="http://www.w3.org/2000/svg" version="1.1"/>)
മലയാളചലച്ചിത്രങ്ങളില്‍ വിരളമായ ഒരു വിഷയത്തെ കൈകാര്യം ചെയ്യ്ത ചിത്രമാണ് തൂവാനത്തുമ്പികള്‍. അന്നും ഇന്നും സിനിമാപ്രേമികളുടെ പ്രിയപ്പെട്ട ചിത്രമാണ് തൂവാനത്തുമ്പികള്‍. തന്റെ ഹൃദയത്തില്‍ ചേര്‍ത്തുവക്കുന്ന സിനിമയാണ് തൂവാനത്തുമ്പികള്‍ എന്ന് മോഹന്‍ലാലും ഇപ്പോള്‍ പറയുന്നു.
ഏകദേശം 500 തവണയൊക്കെ ഈ സിനിമ കണ്ടവരെ എനിക്കറിയാം. ഈ നിമിഷം ഞാന്‍ ക്ലാരയെ ഓര്‍ക്കുന്നു..’, എന്നാണ് മോഹന്‍ലാല്‍ പറഞ്ഞത്. സിനിമയുടെ 35-ാം വാര്‍ഷികം പ്രമാണിച്ച് ആര്‍ടിസ്റ്റ് കെ.പി മുരളീധരന്‍ വരച്ച മനോഹരമായൊരു പെയിന്റിംഗ് സംവിധായകന്‍ ടി കെ രാജീവ് കുമാര്‍ മോഹന്‍ലാലിന് സമ്മാനിച്ചു. ഇത് ഏറ്റുവാങ്ങിയതിന് പിന്നാലെയാണ് നടന്റെ വാക്കുകള്‍.
![](data:image/svg+xml;charset=utf-8,<svg height="450px" width="800px" xmlns="http://www.w3.org/2000/svg" version="1.1"/>)
1987ല്‍ പത്മരാജന്‍ തിരക്കഥയെഴുതി സംവിധാനം ചെയ്ത ചിത്രമാണ് തൂവാനത്തുമ്പികള്‍. അദ്ദേഹത്തിന്റെ തന്നെ നോവല്‍ ആയ ഉദകപ്പോളയെ ആസ്പദമാക്കിയാണ് ഇത് രചിച്ചിരിക്കുന്നത്. ഈ ചിത്രത്തിന്റെ തിരക്കഥ, സംവിധാനം, മോഹന്‍ലാലിന്റെ അഭിനയം എന്നിവ വളരെ പ്രശംസ പിടിച്ചുപറ്റി. പെരുമ്പാവൂര്‍ ജി. രവീന്ദ്രനാഥ് സംഗീതസംവിധാനം ചെയ്ത ഒന്നാം രാഗം പാടി, മേഘം പൂത്തുതുടങ്ങി എന്നീ പ്രശസ്തഗാനങ്ങള്‍ ഈ ചിത്രത്തിലുണ്ട്.
മോഹന്‍ലാലിന്റെ അഭിനയജീവിതത്തിലെ അവിസ്മരണീയമായ കഥാപാത്രങ്ങളില്‍ ഒന്നാണ് ഈ ചിത്രത്തിലെ ജയകൃഷ്ണന്‍.
