സംവിധായകൻ മോഹൻ അന്തരിച്ചു

പ്രശസ്ത സംവിധായകൻ മോഹൻ (76) അന്തരിച്ചു. കൊച്ചിയിലെ ഒരു സ്വാകാര്യ ആശുപത്രിയിൽ വെച്ചാണ് അന്ത്യം. വാർദ്ധക്യ സഹജമായ അസുഖത്തെത്തുടർന്ന് അദ്ദേഹം ചികിത്സയിലായിരുന്നു. 1980കളിലെ മലയാള സിനിമയുടെ സുവർണ്ണകാലഘട്ടത്തിൽ നിരവധി ഹിറ്റ് ചിത്രങ്ങൾ ഒരുക്കിയ മോഹൻ, മലയാള സിനിമയിലെ ശ്രദ്ധേയ സംവിധായകനായിരുന്നു.

1978-ൽ പുറത്തിറങ്ങിയ വാടകവീട് ആണ് മോഹന്റെ ആദ്യചിത്രം. തുടർന്ന് രണ്ട് പെൺകുട്ടികൾ , ശാലിനി എന്റെ കൂട്ടുകാരി’ തുടങ്ങിയവയും സംവിദാനം ചെയ്തു. നെടുമുടി വേണുവിനെ നായകനാക്കി പുറത്തിറങ്ങിയ ‘ വിടപറയും മുമ്പേ ‘ *’ഇളക്കങ്ങൾ’, *’ഇടവേള‘, *’ആലോലം’, *’രചന‘, *’മംഗളം നേരുന്നു’, *’തീർത്ഥം’, *’ശ്രുതി’, *’ഒരു കഥ ഒരു നുണക്കഥ’, *’ഇസബെല്ല’, *’പക്ഷെ’, *’സാക്ഷ്യം’, *’മുഖം’, *’അങ്ങനെ ഒരു അവധിക്കാലത്ത്’ എന്നിവ ഉൾപ്പെടെ 23 ചിത്രങ്ങൾ സംവിധാനം ചെയ്തു.

2005-ൽ പുറത്തിറങ്ങിയ ക്യാമ്പസ്’ ആയിരുന്നു അദ്ദേഹത്തിന്റെ അവസാന ചിത്രം. അങ്ങനെ ഒരു അവധിക്കാലത്ത്’, മുഖം’, ‘ശ്രുതി’, ‘ആലോലം’*, *വിടപറയും മുമ്പേ’* എന്നീ ചിത്രങ്ങൾക്ക് തിരക്കഥ എഴുതിയത് മോഹൻ തന്നെയാണ്. ഇനിയും വരൂ’, കഥയറിയാതെ’ എന്നീ സിനിമകളുടെ കഥയും അദ്ദേഹത്തിന്റെതാണ്. ഉപാസന’ എന്ന ചിത്രത്തിന്റെ നിർമ്മാതാവും മോഹൻ ആയിരുന്നു. മോഹൻ സിനിമാ ലോകത്തെ വിവിധ മേഖലകളിൽ പ്രവർത്തിച്ചു, അതേസമയം തിക്കുറിശ്ശി സുകുമാരൻ നായർ, എ.ബി. രാജ്, മധു, പി. വേണു എന്നിവരുടെ അസിസ്റ്റന്റായും പ്രവർത്തിച്ചിരുന്നു