അടുത്ത വരവറിയിച്ച് സ്ക്വിഡ് ഗെയിം,ടീസർ എത്തി

മൂന്നുവർഷത്തെ ഇടവേളയ്ക്കു ശേഷം ആരാധകർക്ക് മുന്നിലേക്ക് സ്ക്വിഡ് ഗെയിം സീസൺ 2 വരുന്നു. വരുന്ന ഡിസംബർ 26 മുതൽ സീരീസ് നെറ്റ് ഫ്ലെക്സിൽ സ്ട്രീം ചെയ്തു തുടങ്ങും എന്നാണ് അറിയിച്ചിരിക്കുന്നത്.

ആദ്യ സീസൺ 2021 ൽ ആണ് പ്രേക്ഷകർക്ക് മുന്നിലേക്ക് എത്തിയത്. കൊറിയൻ ഭാഷയിൽ എത്തിയ സീരിസിന് നിരവധി ആരാധകരാണ് ലോകമെമ്പാടുമുള്ളത്.

ഹുവാങ് ഡോങ്-ഹ്യൂക്ക് ആണ് രചനയും സ്ക്വിഡ് ഗെയിമിൻ്റെ രചനയും സംവിധാനവും നിർവഹിച്ചിരിക്കുന്നത്, ആദ്യ ഭാഗത്തിൽ ലീ ജംഗ്-ജേ, പാർക്ക് ഹേ-സൂ, ഒ യ്യോങ്-സു, വി ഹ-ജൂൺ, ജംഗ് ഹോ-യെയോൺ, ഹിയോ സുങ്-ടെ, അനുപം ത്രിപാഠി, കിം ജൂ- റൗംഗ് എന്നിവരായിരുന്നു പ്രധാന കഥാപാത്രങ്ങളെ അവതരിപ്പിച്ചിരുന്നത്

456 പേർ തങ്ങളുടെ ജീവിതം പച്ചപിടിപ്പിക്കുവാനായി ജീവൻ പണയം വച്ച് സാഹസികമായ ഒരു ഗെയിമിൽ പങ്കെടുക്കുന്നതാണ് സ്ക്വിഡ് ഗെയിമിൻ്റെ പ്രമേയം. സർവൈവൽ ത്രില്ലർ ഡ്രാമയാണ് ഈ സീരീസ്