റോക്കിംങ് സ്റ്റാർ യാഷ് നായകനാകുന്ന ഏറ്റവും പുതിയ ചിത്രം ‘ടോക്സിക്: എ ഫെയറി ടെയിൽ ഫോർ ഗ്രൗൺ-അപ്‌സ്’ന്റെ ചിത്രീകരണം നാളെ (8 ഓഗസ്റ്റ് 2024) ബാംഗ്ലൂരിൽ ആരംഭിക്കും. ചിത്രീകരണത്തിന് മുന്നോടിയായ് യാഷും നിർമ്മാതാവ് വെങ്കട്ട് കെ നാരായണനും കർണാടകയിലെ ക്ഷേത്രങ്ങൾ കുടുംബത്തോടൊപ്പം സന്ദർശിക്കുന്ന ചിത്രങ്ങൾ സോഷ്യൽ മീഡിയകളിൽ ശ്രദ്ധനേടുന്നു. ഗീതു മോഹൻദാസ് സംവിധാനം നിർവഹിക്കുന്ന ഈ ചിത്രം 2023 ഡിസംബർ 8നാണ് ഔദ്യോഗികമായ് പ്രഖ്യാപിച്ചത്.
‘കെജിഎഫ് 1’, ‘കെജിഎഫ് 2’ എന്നീ ചിത്രങ്ങൾക്ക് ശേഷം യാഷ് കേന്ദ്ര കഥാപാത്രത്തെ അവതരിപ്പിക്കുന്ന ‘ടോക്സിക്: എ ഫെയറി ടെയിൽ ഫോർ ഗ്രൗൺ-അപ്‌സ്’ നിവിൻ പോളി ചിത്രം ‘മൂത്തോൻ’ന് ശേഷം ഗീതു മോഹൻദാസ് സംവിധാനം ചെയ്യുന്ന സിനിമയാണ്. 2019 സെപ്റ്റംബർ 9ന് റിലീസ് ചെയ്ത ‘മൂത്തോൻ’ പ്രേക്ഷക പ്രീതിയും നിരൂപക പ്രശംസയും ഏറ്റുവാങ്ങിയിരുന്നു.
